-
BLOAVEZ MAT ! YEC'HED MAT ! JOA HA BERZH !
DALC'HOMP !
Pa oan gwechall en arme
Paotred Pariz ouzh va selaoù
A daole warnon gwall zelloù:
" Ma talc'hes da gomz Brezhoneg,
Ni ya da c'hwriat dit da veg..."
War an hent houarn 'm eus gwelet
Bourc'hizien n'anavezen ket
O kounnari hag o laret:
"- Ma talc'hes da gomz Brezhoneg,
Ni ya da c'hwriat dit da veg..."
Bemdez pa 'z an da labourat
Em gwazied e verv ar gwad
Pa lar ar gall 'vit va goapaat:
" Ma talc'hes da gomz Brezhoneg,
Ni ya da c'hwriat dit da veg..."
Tevit gant ho trouz Gallaoued
Piv a zo kreñv a-warlc'h er bed
Da stankañ beg ar Vretoned:
"- Tankerru tre ma tigoro
Brezhonneg mat a zivizo"
Hiziv warc'hoaz evel gwec'hall
Ni zalc'ho start daoust d'an dud fall
Biken Breiz-Izel ne vo Gall:
Tre ma yudo ar mor wardro
Lavar Arvor ni her miro.
An Diaoul biskoaz n'en deus gellet
Deskin yezh kozh ar Vretoned
Kalz re bounner eo e spered!
Aezoc'h aze vo d'eomp herzel
Ouzh ar skilfoù hag e gerniel
Skrivet gant J. Lemaréchal (aozer "Kousk Breiz-Izel" ivez),
Embanned e 1926
Pennorin: "Ma 'm bije bet kreion" gant Bernard Lasbleiz.
-
Commentaires